Një makinë në Durrës ka shpërthyer, ndërsa dyshohet se ishte spërkatur me lëndë djegëse.
Policia thotë se ngjarja ka ndodhur rreth orës 03:00 të mëngjesit në rrugën “Ramazan Jella”, në lagjen nr.3 në Durrës.
Bëhet fjalë për mjetin tip ‘Reno’ me targa AA 301ZZ. Fatmirësisht nuk ka persona të lënduar nga shpërthimi, ndërsa mjeti ka pësuar dëmtime të lehta.
Pronari i makinës, Albano Çomani, është njohur me ngjarjen kur ka shkuar pranë mjetit, ndërsa më pas ka sinjalizuar policinë.
Grupi hetimor dhe policia ndodhen në vendngjarje, dhe po punohet për zbardhjen e ngjarjes, identifikimin dhe kapjen e autorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
.png)




Lini një Përgjigje