.png)
Një marrëveshje me Ukrainën do të jetë e mundur vetëm pas “çmilitarizimit dhe denazifikimit” të Kievit, “kur ajo të ketë marrë një status neutral”. Kështu deklaroi presidenti rus Vladimir Putin në një bisedë telefonike me homologun e tij francez Emmanuel Macron. Lajmi është raportuar nga Kremlini, cituar nga Tass.
Në një telefonatë me presidentin francez Emmanuel Macron, presidenti rus Vladimir Putin u zotua të hënën të “pezullojë të gjitha sulmet ndaj civilëve dhe shtëpive” . Kjo u njoftua në një njoftim nga Elysée.
Deklarata zyrtare e Presidencës së Republikës Franceze shpjegon se Macron ka “përsëritur kërkesën e komunitetit ndërkombëtar për të ndaluar ofensivën ruse kundër Ukrainës dhe ka rikonfirmuar nevojën për të zbatuar një armëpushim të menjëhershëm”.
“Me rastin e fillimit të negociatave ndërmjet delegacionit rus dhe ukrainas, presidenti i republikës franceze kërkoi 1) të ndalen sulmet dhe bombardimet kundër civilëve dhe shtëpive 2) të lihen të paprekura të gjitha infrastrukturat civile 3) të lihen të lirë dhe rrugët të jenë të sigurta, veçanërisht dalja nga qyteti i Kievit. Putin konfirmoi gatishmërinë e tij për t’u përkushtuar ndaj këtyre tre pikave”, thuhet në njoftim
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje