.png)
Klubi i Malagës në Spanjë, ku luajnë edhe dy futbollistët e Kombëtares shqiptare, sulmuesi Armando Sadiku dhe mesfushori Keidi Bare, ka bërë të ditur se është i detyruar të pushojë nga puna disa punonjës për të përmirësuar situatën financiare pas pasojave të koronavirusit.
Malaga merr pjesë në kategorinë e dytë dhe prej kohësh ka pasur vështirësi ekonomike. Klubi drejtohet nga një administrator publik që në shkurt, kur një gjykatë spanjolle e shkëputi atë ligjërisht nga sheiku nga Katari, Abdullah Al Thani, ish-pronar i skuadrës. Në një komunikatë të shpërndarë nga drejtuesit e Malagës bëhet me dije se masat janë të domosdoshme për kapërcimin e krizës financiare. Ristrukturimi i klubit është i nevojshëm për të pasur stabilitet në të ardhmen. Deri tani, nuk është e specifikuar se cilët janë punonjësit e shkarkuar.
Një lajm i keq ky për dy kuqezinjtë, Baren dhe Sadikun, të dy titullarë këtë sezon me Malagën. Ata e njohin mirë problematikën dhe me siguri, bashkë me menaxherët e tyre, janë në kërkim të një skuadre të re, ku mund të punojnë më të qetë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje