.png)
Parlamenti i Malit te Zi votoi me shumicë votash rrëzimin e qeverisë së kryeministrit Zdravko Krivokapiç. Mosbesimin e qeverisë e votuan 43 deputetë të opozitës dhe të grupit parlamentar “Bardhezi”, kurse 11 ishin kundër (Demokratët, të Drejtat dhe Mali i Zi i Bashkuar).
Para votimit, deputetët e Frontit Demokratik (DF), Lëvizjes për Ndryshim (PzP) dhe Partisë Popullore Socialiste (SNP) u larguan nga salla plenare.
Në total votuan 54 deputetë, për mosbesim 43 deputetë, kundër mosbesimit, 11 deputetë, kështu që Kuvendi ka votuar mosbesimin e qeverisë së Malit të Zi. Demokratët thanë se votuan “kundër tradhtisë” dhe “kundër mosbesimit”.
Krivokapiç la sallën, pasi deputetët vetuan kundër miratimit të rendit të ditës për shkurtimin e mandatit të Kuvendit, të kërkuar nga ai, e cila u votua vetëm nga 29 deputetë.
Një ditë më parë në Parlamentin e Malit të Zi, nuk mori mbështetjen e shumicës nisma e kryeministrit të Malit të Zi, Zdravko Krivokapiç për shkarkimin e Zv/ Kryeministrin Abazoviç.
Krivokapiç e akuzoi zotin Abazoviç se, “me konceptin e qeverisë së pakicës po mashton opinionin dhe po injoron rezultatin e zgjedhjeve parlamentare në Mal të Zi”.
Kërkesat e ndërsjella për shkarkimin e ekzekutivit në Mal të Zi janë epilogu i krizës disa mujore, si ndërmjet parlamentit dhe qeverisë, ashtu edhe brenda vetë qeverisë.
Si reagim ndaj përpjekjeve për zgjidhjen e krizës në institucionet e sistemit, ditët e fundit janë organizuar protesta në disa qytete malazeze, të drejtuara kundër Zv/Kryeministrit Abazoviç, por edhe të gjithë atyre që mbështesin konceptin e qeverisë së pakicës.
Kështu, Mali i Zi rrezikon të shkojë në zgjedhje të parakohshme, nëse politikani me origjinë shqiptare do të dështojë në misionin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje