.png)
Qeveria e Malit të Zi ka ndërhyrë në hartën e ndarjes administrative të komunave, duke i hequr territor Komunës shqiptare të Tuzit për t’ja kaluar atë asaj të Podgoricës.
Vendimi është denoncuar nga kreu i Komunës së Tuzit, Nik Gjeloshaj, që thotë se ky ndryshim është bërë pa dijeninë e tyre dhe në mënyrë të fshehtë.
“Zdravko Krivokapiq dhe Dritan Abazoviq pas zgjedhjeve në krye të qeverisë së Malit te Zi, ndër hapat e parë që kanë ndërmarrë ishte ndryshimi i kufirit administrativ i Komunës së Tuzit. Gjatë punës së përditshme të sekretariateve tona kemi vërejtur ndryshimin e kufirit tonë (Komuna e Tuzit) në gjeoportal. Kanë ndryshuar territorin tonë ashtu që deponinë e kanë kaluar në territorin e kryeqytetit Podgoricë”, thotë Gjeloshaj.
Gjeloshaj e konsiderone këtë një vendim antishqiptar dhe paralajmëron Qeverinë që të rikthejë kufijtë e vjetër, në të kundërt do të përballet me protesta.
“Do ta kenë Malësinë para Qeverisë, se u kam dhënë një afat. Tani urgjentisht duhet ta ktheni linjën administrative të Komunës sonë ashtu siç është miratuar në Kuvendin e Malit të Zi. Një veprim i këtillë antishqiptar nuk do ta durojmë më, sepse nuk është vetëm kjo, por Qeveria e Malit të Zi e ka bllokuar edhe pagesën e mjeteve për Komunën tonë, mjete këto të cilat na takojnë sipas ligjit”, thotë ai.
Gjeloshaj kërkon ndërhyrjen e reagimin e bashkësisë ndërkombëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje