.png)
Shorti i buzëqeshi në fillim duke mos i caktuar kundërshtarë të peshës së rëndë në grup, por sërish rezultati i arritur nga Italia në këtë fushatë të eleminatoreve të Euro2020 është historik.
“Axurrët” e drejtuar nga Mancini mbyllën me goleadë fazën eleminatore, pas fitores 9-1 ndaj Armenisë në Palermo.
Kjo ishte fitorja e dhjetë në po kaq ndeshje për skuadrën italiane, që si rrallë herë nuk diskutonte çështjen e kualifkimimit në ndeshjet e fundit.
Por, 10 fitoret dhe 30 pikët e plota nuk janë i vetmi rekord. Një rekord tjetër i vendosur, që tregon se një meritë të madhe në këto rezultate ka trajneri Mancini është edhe ai i lojtarëve që debutuan për herë të parë me fanelën e kombëtares, plot 24 të tillë.
Të gjitha këto rekorde të thyera mbërrijnë në një kohë kur tifozët italiane ende nuk e kanë harruar makthin Ventura dhe atë eleminim nga finalet e Kupës së Botës në ndeshjen play off të luajtur kundër Suedisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje