.png)
Asambleja Parlamentare e Këshillit të Europës ka shprehur shqetësimin për dorëzimin e mandateve të opozitës.
“Në një shoqëri demokratike, parlamenti është qendra e debatit politik, dialogut dhe diskutimit. Parlamentarët i përkasin parlamentit”, thuhet në deklaratën e raportuesve për monitorimin e Shqipërisë në Asamblenë e KiE, Andrej Hunko dhe Joseph O’Reilly.
Duke përshëndetur faktin se protestat e fundjavës së kaluar kishin ndodhur në mënyrë paqësore, ata u bëjnë thirrje deputetëve të opozitës për të rishikuar dorëheqjet e tyre dhe për t’u kthyer në parlament.
Në të njëjtën kohë, ata i bëjnë thirrje shumicës në pushtet që të sigurojnë një hapësirë të përshtatshme për opozitën për të funksionuar dhe për t’u angazhuar në një dialog të sinqertë dhe domethënës me opozitën mbi reformat kyçe dhe qeverisjen e vendit.
“Të dyja palët duhet të përdorin forumin e parlamentit për t’u angazhuar, në mirëbesim, në një dialog të tillë në mënyrë që të kapërcehet stuhia aktuale politike. Nëse kërkohet, ne jemi të gatshëm për të ndihmuar kolegët tanë nga të dyja palët në këtë përpjekje”, përfundon deklarata e raportuesve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje