.png)
Maqedoninë e Veriut njoftoi se ka arrestuar tetë persona që janë pjesëtarë të organizatës terroriste ISIS.
Autoritetet e rendit në vendin fqinj thanë se personat janë arrestuar gjatë bastisjeve në Kumanovë dhe në Shkup.
Ata thanë se në bashkëpunim me Agjencinë për Siguri Kombëtare dhe prokurorinë e kishin ndjekur grupin që prej muajit gusht.
Grupi, sipas njoftimit, synonte vrasje dhe shkatërrim të objekteve publike për të krijuar ndjenjën e frikës dhe pasigurisë tek qytetarët.
Policia nuk e ka publikuar identitetin e plotë të anëtarëve të grupit, por vetëm inicialet e emrave dhe mbiemrave. Në një video të lëshuar nga Ministria e Brendshme nuk duken fytyrat e të arrestuarve që po dërgoheshin në stacione policore.
Autoritetet thanë se grupi kishte siguruar mjete financiare, armë, municion dhe pajisje ushtarake, përgatitur mjete të improvizuara shpërthyese dhe i kishte provuar dhe aktivizuar ato.
Sipas policisë, personat kishin përdorur aplikacionin WhatsApp për komunikimin midis tyre.
Autoritetet thanë se një nga anëtarët e grupit kishte marrë pjesë në formacione paraushtarake jashtë Maqedonisë së Veriut, si pjesëtar i organizatës Shteti Islamik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje