.png)
Për shkak të rënies së numrit të të infektuarave me koronavirus, Maqedonia e Veriut po planifikon që pas 1 qershorit të ketë lehtësira sa i përket mbajtjes së maskës në ambjentet e jashtme.
Lajmi është bërë i ditur nga ministri i Shëndetësisë, Venko Filipçe, i cili ka theksuar se së shpejti pritet një propozim Komisioni për Sëmundje Infektive, ndërsa vendimi do të merren në qeveri.
“Ka mundësi që të hiqet masa për mbajtjen e detyrueshme të maskës. Javën e ardhshme do të ketë një mbledhje të Komisionit, që do të vendosë mbi këtë çështje. Masat që janë në fuqi do të vlejnë deri më 1 qershor”, ka bërë të ditur Ministri Filipçe.
Maqedonia e Veriut ka regjistruar të hënën shtatë të infektuar dhe 18 të vdekur, duke shënuar numrin më të ulët të të infektuarve që nga shfaqja e rasteve të para me Covid-19 në mars të vitit të kaluar.
Mbajtja e detyrueshme e maskës si masë është vendosur që në fillim të pandemisë, fillimisht në të gjitha ambientet e mbyllura dhe më pas edhe në ambientet e jashtme.
Epidemiologu Dragan Danillovski thotë se pandemia po shkon drejt normalizimit të plotë dhe kur numri i rasteve ulet nën 20 në bazë ditore, atëherë nuk ka përhapje të virusit. Ai ka propozuar heqjen e ndalesës për mbajtjen e maskës në ambiente të jashtme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje