.png)
Maqedoninë e Veriut ka nisur të mërkurën vaksinimin masiv kundër koronavirusit me 24 mijë dozat e vaksinës AstraZeneca, të cilat të dielën arritën në Shkup përmes programit COVAX të Organizatës Botërore të Shëndetësisë (OBSH). Vaksinimi po zhvillohet në Shkup dhe në nëntë qytete tjera.
Të drejtën e vaksinimit në këtë fazë e kanë personat mbi moshën 77 vjec, të cilët po njoftohen për orarin e vaksinimit përmes mjekut të familjes.
Ministria e Shëndetësisë fillimisht kishte njoftuar se nga këto doza, rreth katër mijë do të jepen për disa kategori tjera që janë të rrezikuar në vendet e punës si, policë, ushtarakë, zjarrfikës, gazetarë, edukatore në kopshte, shofer autobusi dhe punonjës në gjyqe, por të martën në mbrëmje, ministri i Shëndetësisë, Venko Filipçe tha se vaksinimi me AstraZeneca do të bëhet vetëm për personat të moshës mbi 60 vjeç.
“Pas dy raporteve që morëm nga Kanadaja dhe Gjermania, ne vendosëm që të ndiqnim rekomandimet e tyre dhe të mos vaksinonim persona nën moshën 60 vjeç me Astra Zeneka. Sigurisht që nesër do të fillojmë të vaksinojmë qytetarë të moshuar, mbi moshën 77 vjeç”, ka bërë të ditur Ministri i Shëndetësisë, Venko Filipçe.
Në vendin fqinj kanë aplikuar mbi 117 mijë qytetarë të interesuar për vaksinim. Zyrtarët shëndetësorë kanë njoftuar se 76,000 doza shtesë të vaksinës COVID-19 do të mbërrijnë deri në fund të prillit.
Në Maqedoninë e Veriut janë vaksinuar po ashtu mbi shtatë mijë punonjës shëndetësorë me vaksinën ruse Sputnik V.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje