.png)
Kryeprokurorja Arta Marku, e pranishme në një analizë të prokurorive në Durrës, deklaroi se janë këto prokurori ato që mbartin peshën më të madhe të kriminalitetit, ndërsa shtoi se problem mbeten ankesat e qytetarëve në media.
“Këto prokurori mbartin peshën më të madhe të kriminalitetit. Problem mbeten ankesat e qytetarëve në media. Në ndërhyrjen ose mosndërhyrjen, duhet kuptuar qëndrimi i Prokurorisë. Ata që nuk duan ta kuptojnë, në rregull. Dispozita kalimtare nuk i ka dhënë të drejtën Prokurorisë së Përgjithshme për të vazhduar procedimin disiplinor”, u shpreh kryeprokurorja.
Sipas saj, në mungesë të Inspektoratit të Lartë të Drejtësisë, procedura e hetimit disiplinor për prokurorët është e parealizuar. Marku i bën thirrje edhe Kuvendit që të miratojë ndryshimet përkatëse.
“Prokurori i Përgjithshëm nuk ka kompetencë për ta çuar deri në fund këtë proces. Dispozita kalimtare nuk i ka dhënë të drejtën kryeprokurorit për të vazhduar procedimin disiplinor. Ndaj i bëj thirrje Kuvendit që të miratojë ndryshimet e nevojshme dhe të plotësojë boshllëkun ligjor për të vënë në lëvizje mekanizmat kontrollues”, tha më tej kryeprokurorja Marku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje