.png)
Aktiviteti i grupeve kriminale shqiptare është përshkallëzuar vitet e fundit në Spanjë, që tashmë sipas raporteve të autoriteteve vendase kanë ngritur baza të mirëfillta për trafikun e kokainës, apo edhe kultivimin e kanabisit.
Shtimi i këtij aktiviteti ka nxitur Madridin që të kërkojë një seri marrëveshjesh me Shqipërinë, ku e radhës ishte në fushën e bashkëpunimit hetimor në nivel policish.
Marrëveshja u nënshkrua këtë të hënë në Tiranë mes ministrit të Brendshëm, Bledi Çuçi dhe nga Ambasadori i Spanjës në Shqipëri, Alvaro Renedo Zalba.
Marrëveshja krijon një grupi të përbashkët hetimi në fushën e luftës kundër krimit të organizuar ndërkombëtar duke përdorur instrumentet e inteligjencës policore dhe hetimit që të dy vendet vlerësojnë të përshtatshme.
Në shtator të vitit të kaluar, Qeveria shqiptare miratoi edhe marrëveshjen e ekstradimit mes dy vendeve, që ministri i Drejtësisë, Ulsi Manja e cilësoi një sinjal i qartë për botën e krimit.
“Nëpërmjet kësaj marrëveshjeje eliminohet kjo pengesë ligjore dhe tashmë me Mbretërinë e Spanjës, autoritetet tona gjyqësore do të lejojnë ekstradimin reciprok të shtetasve shqiptarë në drejtim të Spanjës dhe anasjelltas”, tha Manja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje