.png)
Martin Biba është emri i parë i listës së kandidatëve që prezantohet nga selia blu për primaret e Mirditës.
“I privilegjuar të jem këtu para jush pasi Partia Demokratike e Shqipërisë, kjo forcë politike që mundi diktaturën më të egër, ka shpallur proçedurialisht listën e kandidatëve për në Primare në Mirditë.
Mirënjohës për secilin prej atyre që më nxitën dhe më mbështesin në këtë kandidim për bashkinë Mirditë.
Besoj se Partia Demokratike ka ofertat e duhura për të dalë me sukses në zgjedhjet vendore të 14 Majit 2023, duke ia kthyer këtë Bashki mirditorëve”, tha Biba.
Duke përshëndetur edhe emrat e tjerë, Biba shprehet ndër radhë se ai është emri që bashkon gjithë demokratët.
“Dashamirës dhe rivalizues i drejtë me të gjithë kandidatët në këto Primare, shpreh vlerësimet pozitive për secilin, ndërsa bart frymën e bashkimit të demokratëve mirditorë, sikurse i ka hije momentit politik, të një Mirdite dhe Shqipërie të rrezikuar ekstremisht nga shpopullimi dhe varfërimi”. Por jo vetëm. Emri i tij sa duket përbashkon edhe PL-në në këtë zonë, si pjesë e marrëveshjes mes dy partive në opozitë.
Mardin Biba ka garuar më parë në emër të PD për deputet dhe është angazhuar edhe në organet e larta vendimmarrëse për sportin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje