.png)
Masakër në SHBA, me tetë viktima, gjashtë prej të cilëve dyshohet se janë gra aziatike.
Ky është bilanci si pasojë e të shtënave me armë zjarri që kanë ndodhur në tre qendra masazhi në qytetin e Atlantës, Xhorxhia, SHBA.
Mediat amerikane raportojnë se vrasësi i dyshuar, është arrestuar nga policia pas masakrës.
Policia e Atlantës tha se gjeti katër gra, të cilat ishin me origjinë nga Azia, të vdekura brenda dy salloneve të masazhit përtej rrugës, përballë njëra-tjetrës.
Katër persona të tjerë, duke përfshirë dy gra të tjera aziatike, u vranë dhe një tjetër u plagos në një sallon masazhi aziatik në Cherokee County.
Policia e Atlantës raportoi se i ishte përgjigjur një thirrje grabitjeje në “Gold Massage” në Piedmont Road.
Autoritetet nuk specifikuan nëse ishin punonjës apo klientë.
Krimet e urrejtjes kundër aziatikëve janë rritur kohët e fundit në Shtetet e Bashkuara të Amerikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje