.png)
Në 2002-shin, presidenti i atëhershëm i Bajernit të Mynihut kishte thënë: “derisa unë dhe Rumenige të kemi fuqinë për të marrë vendime, Lotar Mateus në klubin tonë nuk do të bëjë pjesë as si kopështar”. Dhe 20 vjet më pas vjen përgjigja e ish-mesfushorit të famshëm.
Ironi, edhe pse me vonesë. Lotar Mateus ka reaguar ndaj deklaratave të dikurshme të Uli Hënesit, kur ai ishte president i bavarezëve. Hënes në atë kohë nuk pranonte kritikat e Mateusit, sipas tij, të pabaza. “Lotar me ne nuk do të jetë as kopështar i stadiumit”, – tha Hënes për lojtarin që ka më shumë ndeshje me Gjermaninë, plot 150, si dhe 408 me Bajernin dhe 100 gola të shënuar. Pas 20 vitesh Mateus është fotografuar pikërisht duke korrur barin e “Allianz Arena”.
Është vetëm një përgjigje ironike, jo një thumb ndaj Hënesit. Fotoja e tij në versionin kopështar është publikuar në kopertinën e revistës zyrtare të Bajernit të Mynihut, ndërsa në brendësi është edhe intervista e ish-mesfushorit.
“Nga gjithë zënkat me drejtuesit e Bajernit, ajo deklaratë e Hënesit më ka goditur më shumë, – shpjegon Mateus. – Gjatë viteve i kemi shkruar njëri-tjetrit shumë herë, e kemi për zemër njëri-tjetrin dhe paqja erdhi shpejt. Në fund të fundit, donim të dy të mirën e Bajernit. Me atë deklaratë vetëm qeshim të dy. Uli më ka thënë se për atë deklaratë i ka ardhur atij keq të parit një ditë pasi e kishte thënë”.
Hënes sot nuk është më president i Bajernit, edhe pse bën pjesë në këshillin e administratës. Ai nuk e ka humbur fuqinë brenda klubit bavarez, aq sa para se të linte Mançester Sitin për të shkuar te Bajerni, Leroi Sane vendosi të shkonte më parë në shtëpinë e Hënesit dhe të fliste me të. Rumenige është administrator i deleguar dhe që të dy i kanë lënë mënjanë kritikat e Mateusit, duke e lejuar të punojë në “Allianz Arena”, të paktën si kopështar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje