.png)
Ironi apo sfidë? Sulmuesi i talentuar francez, Kilian Mbape, është vënë në qendër të vëmendjes me postimin e tij të fundit në Instagram. Ai ka postuar një foto të vjetër në dhomën e tij kur ishte fëmijë dhe në mure kishte disa postera të Kristiano Ronaldos. Por në këtë postim të fundit fotot e portugezit ishin zhdukur dhe në vend të tyre ishin ato të të zotit të shtëpisë.
Kilian Mbape është një talent i jashtëzakonshëm, kampion bote që në moshë fare të re me Francën. Sulmuesi i PSG-së ka zgjedhur një mënyrë të veçantë për t’u uruar vitin e ri 2019 fansave të tij të shumtë në Instagram. Mbape ka publikuar foton, ku ai, ende fëmijë, ëndërronte të bëhej si Kristiano Ronaldo, me posterat e të cilit kishte mbushur dhomën. Por këtë herë fotoja ishte ndryshe, pa yllin portugez. Vendin e fotove të tij e kishin zënë ato të vetë Mbape. Mund të jetë një ironi e futbollistit francez, ose një sfidë e hapur e tij ndaj futbollistit të Juventusit.
Natyrisht që ky veprim i Kilian Mbape është vënë re menjëherë dhe është bërë lajm në të gjitha faqet sportive online. Tani i mbetet vetë sulmuesit të tregojë se çfarë ka pasur në mendje kur ka bërë këtë postim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje