.png)
Në ditën e Krishtlindjes italianët gëzojnë dhe mbërritjen e dozave të para të vaksinës anti Covid. Mediat italiane bëjnë me dije se mesditën e kësaj të premte në vendin fqinj kanë mbërritur 9,750 dozat e para të vaksinës anti- Covid të Pfizer-BioNTech.
Përmes disa pamjeve të shpërndara në mediat sociale duket dhe momenti kur furgoni me dozat e para të vaksinës është i shoqëruar nga forca të shumta policie.
Ndër të tjera mësohet se dozat e para të vaksinës anti Covid janë drejtuar direkt për në spitalin Spallanzani të Romës.
Operacioni për të transportuar vaksinat Pfizer – BioNTech nga fabrika në Belgjikë për në vendet e Bashkimit Europian po kryhet nën mbikëqyrjen e lartë të policisë dhe shërbimeve sekrete. Kamionë frigoriferikë po largohen nga fabrika dhe po nisen nën shoqërimin e policisë drejt vendeve anëtare.
Media po mbahet në distancë në mënyrë që operacioni i shpërndarjes së vaksinave të kryhet në fshehtësi, për arsye sigurie.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje