.png)
Policia e Fierit në bashkëpunim me Prokurorinë e Lushnjës kanë finalizuar një operacion, duke arrestuar 4 persona, të cilët janë kapur me një sasi kokaine dhe u janë gjetur 3 armë gjahu. Mes tyre i prangosur është edhe një punonjës policie.
Policia thotë se në pranga janë vënë shtetasit:
A. Sh., 43 vjeç, banues në Divjakë;
L. B., 53 vjeç, banues në Divjakë;
H. M., 46 vjeç, banues në Tiranë;
I. V., 38 vjeç, banues në Tiranë (me detyrë punonjës policie).
Siç thuhet në njoftimin e policisë, në hyrje të qytetit të Divjakës, në lokalin e shtetasit L. B, u kapën me një sasi prej 34 gr. lëndë narkotike të dyshuar kokainë, e cila u sekuestrua në cilësinë e provës materiale.
Gjithashtu, nga kontrollet e banesave të tyre dhe më konkretisht në banesën e shtetasit A. Sh, në Divjakë, janë gjetur dhe sekuestruar në cilësinë e provës materiale 3 armë gjahu pa leje, 2 pajisje për prodhimin e fishekëve, si dhe një sasi baruti për prodhimin e fishekëve të gjuetisë.
Materialet procedurale i kaluan Prokurorisë pranë Gjykatës së Shkallës së Parë Lushnjë, në ngarkim të shtetasit A. Sh., për veprat penale “Prodhimi dhe shitja e narkotikëve” dhe “Prodhim dhe mbajtja pa leje të armëve të gjuetisë dhe sportive”, në ngarkim të shtetasit L. B., për veprat penale “Prodhimi dhe shitja e narkotikëve” dhe “Përshtatja e lokalit për përdorim droge” dhe në ngarkim të shtetasve H. M. dhe I. V., për veprën penale “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje