.png)
Gazeta Si – Vjen edhe medalja e parë për Shqipërinë në Lojërat Mesdhetare të Algjerisë. Na u dhuron mundja. Zelimkhan Abakarov është kualifikuar për në finale në peshën 65 kilogramë, stil i lirë.
Abakarov mundi fillimisht turkun Munir Reçep 8-4 në gjysmëfinale, kurse në gjysmëfinale eliminoi serbin Stevan Miçiç 9-0.
Abakarov, një mundës çeçen i natyralizuar si shqiptar pak kohë më parë, ka të sigurt medaljen e argjendtë. Kuptohet, ai do të synojë të artën në finalen e nesërme me egjiptianin Yehia Hafez. Sidoqoftë, ka ardhur medalja e parë në Lojërat Mesdhetare për Shqipërinë.
Nga mundësit e tjerë, Osman Hajdari mundi në çerekfinale spanjollin Damian Iglesias Vilela, por u ndal në gjysmëfinale nga turku Fatin Erdin. Të martën Hajdari do të luftojë për medalje bronzi ndaj qipriotit Haralambos.
Islam Dudaev, mundësi tjetër çeçen me pasaportë shqiptare, u mund nga turku Samet Ak që në çerekfinale. Ai mund të ripeshkohet për medaljen e bronzit, nëse mund algjerianin Abdelkader Ikal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje