.png)
Nuk zgjati më shumë se 18 orë misioni torinez i Jorge Mendesit, agjentit të Kristiano Ronaldos. Pas takimit me drejtuesit e Juventusit, portugezi është larguar me një avion privat dhe tashmë është në kontakte të vazhdueshme me Mançester Sitin, duke synuar përcaktimin e një oferte konkrete të klubit anglez për Ronaldon.
Objektivi i Mendesit është që në zyrat e Juventusit të mbërrijë sa më shpejt një ofertë prej 25 milionë eurosh për të lënë të lirë Kristiano Ronaldon. Pas takimit me Arrivabene, Nedved dhe Kerubini, agjenti e ka të qartë se bisedimet duhen mbyllur me shpejtësi, në të kundërt Ronaldo nuk do të shitet.
Juventusi ndërkohë kërkon të paktën 30 milionë euro për Ronaldon. Guardiola ka hequr nga merkatoja brazilianin Gabriel Jesus, një objektiv i Alegrit. Dhe kjo lëvizje mund të ndikojë në këtë histori, sepse klubi italian nuk e ka të lehtë të gjejë një zëvendësues, nëse Ronaldo ndërron fanellë.
Për momentin Juventusi mbetet në pritje. Koha është shumë e kufizuar dhe Mendes duhet të nxitojë për të mbyllur marrëveshjen sa më parë, duke bindur Sitin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje