.png)
Gazeta Si – “Solidariteti im shkon për Ukrainën e pushtuar dhe sulmuar nga Rusia dhe unë mbështes të drejtën e tyre për vetëmbrojtje”.
Për herë të parë, pas 100 ditësh luftë në Ukrainë, ish-kancelarja gjermane Angela Merkel thyen heshtjen në publik gjatë një fjalimi në Berlin.
Më pas, Merkeli shtoi se ajo mbështet të gjitha përpjekjet e qeverisë gjermane, BE-së, SHBA-së, NATO-s, G7-ës dhe Kombeve të Bashkuara për t’i, “dhënë fund kësaj lufte barbare agresioni nga Rusia”.
Ish-kancelarja, tha se nuk donte të bënte vlerësime të jashtme, pasi ishte jashtë detyrës, por tha se pushtimi rus ishte një shkelje e dukshme e ligjit ndërkombëtar dhe se lufta ishte një “përçarje e thellë”.
Për dhunën e dëshmuar nga historitë e atyre që ishin në vend, si në Bucha, ai tha se ata përfaqësojnë “këtë tmerr” dhe më pas nënvizoi rëndësinë e unitetit të BE-së, duke kujtuar se “ne nuk duhet të humbim kurrë paqen dhe lirinë”.
Kancelarja gjermane prej 14 vitesh, nuk pranoi të jepte këshilla, por mbështeti përpjekjet e qeverisë, SHBA-së ,BE-së dhe vendeve të tjera për t’i dhënë fund luftës.
Ajo foli dhe për tubacionin e gazit Nord Stream 2, i projektuar për të dërguar gazin rus në Gjermani, projekt i cili u anullua nga pasardhësi i saj Olaf Scholz.
Merkel shprehu nevojën e vazhdimit të bisedimeve me presidentin rus Vladimir Putin edhe pas aneksimit të Krimesë dhe konfliktit në Ukrainë që kanë çuar në vendosjen e sanksioneve perëndimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje