Mes afganëve të rrëzuar nga avioni ishte edhe talenti i kombëtares së futbollit

Mes afganëve të rrëzuar nga avioni ushtarak amerikan gjatë ngritjes nga aeroporti i Kabulit, ka qenë edhe një talent premtues i skuadrës së të rinjve të kombëtares. Emri i tij është Zaki Anwari, 19 vjeç, ai ishte një futbollist dhe mbante fanellën me numrin 10.

Zaki, si dhjetëra njerëz të tjerë, donte të largohej nga Afganistani, i cili ka rënë në duart e talebanëve dhe ishte ngjitur në rrotat e avionit që nisej për në Katar.

Por pak pas ngritjes së aeroplanit ushtarak, ai është shkëputur duke rënë në tokë dhe gjetur vdekjen e menjëhershme. Autoritetet afgane kanë konfirmuar identitetin e tij.

د افغانستان د بدني روزني او سپورټ عمومي ریاست تائید کړې، چې د فوټبال ملي لوبډلې لوبغاړی ذکي انوري د هغو سلګونه ځوانانو څخه یو ځوان و، چې د هېواد پریښودو غوښتونکي وه؛ هغه، چې ځان د امریکا پر پوځي الوتکې نښلولی و، له را غورزېدو وروسته مړ شوی دی.#ArianaNews pic.twitter.com/AIV7mmetGY

— Ariana News (@ArianaNews_) August 19, 2021

Përmes Facebook-ut, siç raportohet nga BBC, Drejtoria e Përgjithshme e Edukimit Fizik dhe Sporteve të Afganistanit, ka njoftuar lajmin: “U preftë në qiell dhe i lutemi Zotit për familjen, miqtë dhe kolegët e tij sportivë”, shkroi institucioni sportiv. “Vdekja juaj është një dhimbje e madhe, – postoi një mik i tij Instagram. – Kujtimi yt do të jetë gjithnjë i paharrueshëm”.

Zaki Anwari konsiderohej një talent futbolli në Afganistan, deri në atë pikë sa të meritonte grumbullimin në ekipin kombëtar të futbollit U 16.

Ndër pasionet e tij ishte edhe studimi dhe ai ndoqi shkollën franko-afgane në Kabul. Ëndrrat e tij u shuan me të gjatë ngritjes së avionit Boeing C-17 të Ushtrisë Amerikane në drejtim të Katarit.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---