.png)
Barcelona dhe Lionel Mesi do të jenë bashkë edhe 5 vitet e ardhshme. Palët kanë arritur akordin në parim dhe rinovimi pritet të bëhet zyrtar brenda këtyre dy ditëve, sipas shtypit spanjoll.
Kontrata e re e lidh argjentinasin me katalnasit edhe për 5 vite të tjera, jo deri në 2023-shin, siç ishte folur deri tani. Mesi do të përfitojë 50% të pagës që ka marrë deri tani te Barcelona. Ai ka pranuar kushtet e katalanasve, sepse e ka të qartë se cila është situata ekonomike e klubit në këtë moment. Tani pritet vetëm që të takohen avokatët e të dyja palëve për të diskutuar edhe detajet e fundit, pasi akordi në princip është arritur.
Klauzola e prishjes para kohe të kontratës së re të Mesit pritet të jetë rreth 350 milionë euro. “Pleshti” është lojtar i lirë që prej datës 1 korrik, pas përfundimit të kontratës së mëparshme. Situata e argjentinasit është monitoruar gjatë gjithë kohës nga PSG dhe Mançester Siti, të vetmet klube që mund t’ia lejojnë vetes të paguajnë përr të pasur një lojtar si Mesi në skuadër, por tashmë gjithçka ka marrë fund, ai do të qëndrojë te Barcelona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje