.png)
Presidenti i Republikës, Ilir Meta, ka reaguar të martën për ndryshimet e reja të Kodit Zgjedhor. Me një gjuhë të ashpër dhe aspak presidenciale, Meta, (ndryshe nga ndërkombëtarët) shkruan se me ndryshimet shtesë u shkatërrua brutalisht marrëveshja e 5 qershorit dhe se do të jenë shqiptarët ata që do të thonë fjalën e tyre më 25 Prill. Ndoshta për Metën edhe më herët.
“Shkatërrimi brutal i Marrëveshjes së 5 Qershorit ishte vetëdemaskimi i “Rilindjes” si përfaqësuese e pakicës së pakicës apo thjesht oligarkisë dhe bandave.
Populli shqiptar do të jetë në lartësinë që e kërkon ky moment historik për rrëzimin e murit kriminal të “Rilindjes” që është vendosur nga dje në rrugën e integrimit europian.
Ky mur do shembet nga tre milion shqiptarë në 25 Prill, por edhe më parë nëse është e domosdoshme.
Shqipëria e Para!
Shqipëria si gjithë Europa”, shkruan Meta në Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje