.png)
Presidenti Ilir Meta dekretoi të martën emërimin e gjyqtarit Dariel Sina si anëtar i Gjykatës së Lartë
“Presidenti i Republikës, Ilir Meta ka administruar propozimin e Këshillit të Lartë Gjyqësor, për emërimin e Darjel Sina si anëtari më i ri në Gjykatën së Lartë.
Ai është përzgjedhur për t`u emëruar përmes procedurës së përzgjedhjes për emërim në Gjykatën e Lartë, të kandidatëve nga radhët e juristëve të spikatur, për pozicionin e lirë në fushën e të drejtës civile.
Presidenti i Republikës pasi u njoh me vendimmarrjen e Këshillit të Lartë Gjyqësor dhe propozimin e përcjellë nga ky organ, së bashku me praktikën dokumentare të emërimit në Gjykatën e Lartë, nga radhët e juristëve të spikatur, për pozicionin e lirë në fushën e të drejtës civile, konstatoi se plotësimi i këtij vendi vakant është shpallur për aplikim që prej datës 11 shtator 2019.
Në përfundim të shqyrtimit të këtij propozimi, Presidenti i Republikës, ka vendosur që: Darjel Sina të emërohet gjyqtar në Gjykatën e Lartë”, thuhet në njoftimin e Presidencës.
Nga data 26 prill, Gjykata e Lartë bëhet me 12 gjyqtarë, nga 19 që kjo gjykatë duhet të ketë.
Presidenti i Republikës, pavarësisht këtij dekretimi, ripërsërit rezervën e tij lidhur me veprimtarinë e Këshillit të Lartë Gjyqësor, mbi vonesat në plotësimin e Gjykatës së Lartë.
Plotësimi i kësaj vakance në Gjykatën e Lartë ka zgjatur ekzaktësisht 2 vjet e 7 muaj ç’ka sipas Metës tregon se kohëzgjatja e procedurave të ndjekura nga KLGJ është e papranueshme, përtej çdo afati ligjor dhe të arsyeshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje