.png)
Presidenti Ilir Meta, dekreton emërimin e katër gjyqtarëve të rinj të Gjykatës së Lartë.
Meta ka pranuar propozimet e Këshillit të Lartë Gjyqësor për t’u emëruar në Gjykatën e Lartë: Sokol Binaj, Albana Boksi, Sandër Simoni dhe Klodian Kurushi.
LEXO EDHE:
KLGJ i dërgon Metës 4 emrat për anëtarë të Gjykatës së Lartë
Kështu, së bashku me këto katër emërime të reja, Gjykata e Lartë, bëhet me shtatë anëtarë, nga 19 anëtarë, që duhet të ketë, sipas vendimmarrjes së KLGJ-së.
Në deklaratën e tij, Meta ka shprehur shqetësimin se ka kaluar plot një vit nga momenti i propozimit nga KLGJ, të emërimit të 3 anëtarëve të parë në Gjykatën e Lartë.
“Nëse KLGJ do të ndjekë këtë ritëm, atëherë Gjykata e Lartë, do të plotësohet me të gjithë trupën gjyqësore, në mars të vitit 2024! Kjo gjendje është e papranueshme për Presidentin e Republikës dhe duhet t’i shqetësojë të gjithë”, thuhet mes të tjerash në njoftimin e Presidencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje