.png)
Kryetari i Partisë së Lirisë Ilir Meta ka denoncuar shkeljet e evidentuara sipas tij në procesin zgjedhor të 14 Majit.
Ai u shpreh në mbledhjen e kryesisë se janë hedhur dhjetëra miliona euro në formë bonusesh ndërsa denoncoi hedhjen e asfaltit elektoral dhe blerjen e mbështetjes së vipave.
“Një armatë e tërë ministrash, drejtorë, sulmuan qendrat e votimit edhe ditën e votimit duke bërë presion hapur. Dhjetëra miliona euro u shpërndanë si bonuse në mënyrë të paligjshme. Mijëra punësime shtesë u bënë enkas për qëllime elektorale. Dihet se sa milion lekë u ndanë për gjoja ndihma ekonomike. Dihet sa pensione u dhanë edhe pa mbushur dokumentet.
Dhjetëra miliona euro u hodhën për asfalt elektoral edhe në mes të Tiranës, për të blerë mbështetjen e vipave për partinë në pushtet dhe kandidatët e saj. Mijëra pronarë biznesesh u gjobitën rëndë nga partia në pushtet. Një rol shumë të rëndësishëm luajtën burgjet për të devijuar rezultatet e votimit në minutat e fundit kur rasti më ekzemplar është kutia e fundit e Rrogozhinës ku u përmbys vullneti i qytetarëve të lirë, nga qytetarë e marrë peng në burgje”, tha Meta.
Sipas tij, humbja e thellë e 14 majit, ka qenë një proces i mirëokestruar që ka nisur që nga djegia e mandateve të opozitës në 2019-n dhe bojkoti i zgjedhjeve vendore në të njëjtin vit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje