.png)
Presidenti Ilir Meta ka deklaruar se përmirësimi i shëndetit publik global është një urgjencë për të parandaluar çdo pandemi të mundshme në të ardhmen.
Deklaratën presidenti e bëri gjatë pjesëmarrjes në një forum global që u mbajt në Baku, Azejbarxhan.
Meta u shpreh se duhet koordinim më i mirë botëror për sistemet e paralajmërimit të hershëm për gjurmimin e transmetimit, ndarjen e vaksinave dhe bashkëpunimin mes shteteve.
Pozicionin e Shqipërisë si anëtare e KS në OKB, presidenti e quajti përparësi për të kontribuar në forcimin e OBSH si autoriteti udhëheqës dhe drejtues për shëndetin global.
“Përmirësimi i shëndetit publik global është një urgjencë, për të parandaluar çdo pandemi të mundshme në të ardhmen.
Nevojitet një koordinim më i mirë botëror për sistemet e paralajmërimit të hershëm dhe gjurmimin e transmetimit, ndarjen e vaksinave, ilaçeve dhe pajisjeve, zhvendosjen e produkteve dhe pajisjeve mjekësore me rëndësi jetike, si dhe për bashkëpunimin ndërshtetëror në fushën e kujdesit shëndetësor, kërkimit mjekësor dhe bioteknologjinë.
Përparësia e Shqipërisë si anëtare e Këshillit të Sigurimit të OKB-së është të kontribuojë në forcimin e Organizatës Botërore të Shëndetit si autoriteti udhëheqës dhe drejtues për shëndetin global, duke qenë në qendër të arkitekturës botërore të shëndetit”, u shpreh presidenti Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje