.png)
Plot 6 gola ka prodhuar “Derbi i Madoninës”, që në fund ka nxjerrë fitues Interin. Ka fituar 4-2 me përmbysje skuadra e trajnerit Antonio Konte, që barazon Juventusin në kuotën e 54 pikëve, por qëndron në vend të parë falë golaverazhit. Milani ka krijuar një iluzion të kotë me 2 golat e shënuar në 45 minutat e para, sepse në të dytën kanë bërë “harakiri” dhe është ndëshkuar 4 herë nga zikaltrit.
Pjesa e parë ishte e gjitha e Milanit, që ushtroi presion të vazhdueshëm dhe shënoi dy herë me kroatin Ante Rebiç dhe më pas me Ibrahimoviçin, të cilët përfituan edhe nga pasiguria e portierit Padeli. Në fillimin e pjesës së dytë kuqezinjtë gabuan dhe brenda 2 minutash u barazuan nga Brozoviç dhe Vesino. Në minutën e 70-të Interi gjeti avantazhin me mbrojtësi De Vrij, i cili realizoi me kokë, pas një goditje këndi. Në kohën shtesë Lukaku i jep goditjen përfundimtare Milanit me golin e katërt.
Lacio vazhdon ecurinë e mirë në kampionat dhe duket vërtet një ekip pretendent për titullin kampion. Strakosha me shokë kanë fituar 0-1 në fushën e Parmës, me gol të Kaisedos. Mungoi në këtë ndeshje dueli mes shqiptarëve, pasi mbrojtësi Dermaku qëndroi në stol gjithë kohën. Humbje e rëndë në shtëpi për Napolin e Hysajt, që u mund 23 nga Leçe. Kapiteni i Kombëtares nuk luajti asnjë minutë në këtë ndeshje. Spali i Berishës ndërkohë u mund edhe këtë javë dhe rënia në Serinë B duket e sigurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje