.png)
Gazeta Si – Komisioni Qendror i Zgjedhjeve në Bosnjë Hercegovinë ka njoftuar zyrtarisht se pas rinumërimit të votave, Milorad Dodik, ka marrë votat e nevojshme për t’u rizgjedhur president i Republikës Sërpska. Kreu i Aleancës së Social Demokratëve të Pavarur ka marrë më shumë vota.
Opozita kërkoi një proces rinumërimi dhe pas tij Dodik u shpall zyrtarisht fitues për presidencën e njësisë serbe të vendit. Para rinumërimit pati një raportim për disa shkelje në Komisionin Qendror të Zgjedhjeve.
“Për rezultatet e Zgjedhjeve të Përgjithshme për Presidentin dhe Zëvendëspresidentin e Republikës Sërpska, kontrolli i rinumërimit konfirmoi se Milorad Dodik është kandidati me numrin më të madh të votave,” – u shpreh kreu i Komisionit Qendror të Zgjedhjeve, Suad Arnautoviç.
Dodik ka fituar 48% të votave, kurse kundidatja e opozitës, Jelena Triviç, fitoi 43%. Pas zgjedhjeve opozita e akuzoi Dodikun dhe partinë e tij për “vjedhje të organizuar të zgjedhjeve”, prandaj dhe u kërkua rinumërimi.
Opozita madje ka kërkuar që disa persona, mes tyre edhe Dodik, të ndiqen penalisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje