.png)
Ministri i Mbrojtjes i Rusisë, Sergei Shoigu e ka humbur besimin e Vladimir Putin dhe sipas faqes informative ruse, iStories dhe inteligjencës ushtarake britanike, gjeneralët që po zbatojnë fushatën ushtarake në Ukrainë nga terreni i raportojnë drejtpërdrejt Presidentit.
Sipas medias ruse, që kategorizohet si e pavarur dhe e pandikuar nga Kremlini në raportimet e saj, ministri i Mbrojtjes është vënë në qendër të kritikave nga gjeneralët e ushtrisë ruse për keqmenaxhimin e fushatës pushtuese në Ukrainë dhe mungesën e përvojës në konflikte të armatosura, duke qenë se në të shkuarën ka drejtuar sektorë që kanë të bëjnë me ndërtimin dhe emergjencat.
“Gjeneralët rusë dhe ushtarakët e tjerë në betejë po kritikojnë Shoigu për menaxhimin joefektiv të fushatës ushtarake në Ukrainë”, citohet media rus, iStories.
Sipas inteligjencës britanike, komandantët e ushtrisë ruse po shmangin veç ministri Shoigu edhe Shefin e Shtabit të Përgjithshëm të Ushtrisë, duke i raportuar direkt Putinit me zhvillimet në terren.
Burimet thonë se Putin po e anashkalon ministrin e Brendshëm dhe është në komunikim të drejtpërdrejt me Alexander Lapin, që komandon forcat në rajonin ushtarak qendror, ku përfshihet Luhansku e Donetsku dhe Sergei Surovikin, që komandon distriktin jugor, ku përfshihet Mariupoli dhe Krimeja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje