.png)
Ministri i ri i Financave në Turqi në një takim me njerëz të biznesit i siguroi atyre se qeveria nuk do të tërhiqet nga principet e tregut të lirë ekonomik dhe se rënia e monedhës vendase u stimulua nga ulja e normave të interesit.
Takimi që zgjati 6 orë në Stamboll ishte i pari për Nureddin Nebati që kur u emërua si Ministër i Thesarit dhe Financave më 2 dhjetor 2021 nga Presidenti Recep Tayyip Erdogan. Paraardhësi i tij, Lutfi Elvan ishte i njohur për politikat e tij kundërshtuese.
“Bota e biznesit nuk do që të mendojë nëse dollari do të rritet apo do të bie kundrejt Lirës. Është e qartë se tani nuk do të ketë më kompromise në tregun e lirë’,- tha Nail Olpak nga Bordi i Lidhjeve të Jashtmë të Ekonomisë në Anadoll.
Lira turke ka rënë me 46% kundrejt dollarit për gjatë të gjithë vitit, performanca më e keqe në valutat e mëdha. Banka Qendrore që ka ulur normën e interesit deri në 400 pikë që nga shtatori 2021 do të vazhdojë të bëjë të njëjtën gjë për të mundur inflacionin.
Banka Qendrore e Turqisë do të vazhdojë ndërhyrjet për të ndaluar rënien e Liras.
Më shumë se 60 pjesëmarrës në takim thanë ankesat e tyre lidhur me tarifat në rritje të energjisë elektrike, pagesat e pamarra nga institucionet dhe rimbursimin e taksave.
Një javë para se të bëhej ministër, Nebati postoi një seri komentesh në suport të politikave të Erdogan për norma të ulëta, duke thënë se deficiti është problemi më i madh i ekonomisë turke dhe se normat duhet të ulen për të mos ushqyer më tepër inflacionin.
Burimi: Bloomberg/ Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje