.png)
Gazeta Si – Ministri i Jashtëm rus Sergei Lavrov thuhet se u dërgua në spital, pasi u dyshua për një problem shëndetësor pas mbërritjes së tij në samitin e G20 në Bali të Indonezisë, raporton AP, duke cituar autoritetet lokale.
Ministri dyshohet se vuante nga probleme me zemrën dhe u dërgua në spitalin Sanglah. Por zëdhënësja e ministrisë së Jashtme ruse, Maria Zakharova, megjithatë e quajti ngjarjen si “lajm të rremë”.
Lavrov at his hotel in Bali. Says reports about his health are a “political game” https://t.co/OddllPDgq7 pic.twitter.com/GKu0Ffo1st
— Pjotr Sauer (@PjotrSauer) November 14, 2022
“Sergei dhe unë lexuam lajmet në Indonezi dhe nuk mund ta besonim: padyshim që është kulmi i gënjeshtrës”, – tha ajo.
Edhe Lavrov ka reaguar ndaj lajmeve se ai raportohet se është dërguar në spital, duke thënë se lajmet për shëndetin e tij janë asgjë tjetër veçse lojëra politike.
Ministri i Jashtëm rus, Sergey Lavrov, është një prej personave më të afërt dhe më të besuar të liderit të Kremlinit, Vladimir Putin.
Lavrov është në krye të delegacionit rus në samitin e G20-s, i cili do të zhvillohet më 15 dhe 16 nëntor në Bali.
Edhe pse nuk pranoi të marrë pjesë, presidenti Vladimir Putin, pritet të flasë përmes një video-konference.
Në samitin e G20 marrin pjesë 20 shtetet më të industrializuara në botë, të cilat kanë së bashku 85% të Produktit të Brendshëm Bruto Botëror dhe 75% të tregtisë ndërkombëtare dhe dy të treta e popullsisë botërore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje