.png)
Një lajm ka shkaktuar shumë polemika në Francë
Marlene Schiappa është sekretare Shteti për Ekonominë Sociale dhe në mandatin e parë të Emmanuel Macron ishte ministre e Shanseve të Barabarta.
Ministrja e qeverisë franceze, Marlene Schiappa është vënë nën kritika nga anëtarët e partisë së saj pasi u shfaq në faqen kryesore te revistës Playboy.
Schiappa, u shfaq në kopertinën e revistës për të shoqëruar një intervistë prej 12 faqesh që ajo bëri për të drejtat e grave dhe LGBT. Ajo është fotografuar e veshur me një fustan të bardhë.
Schiappa ka qenë avokate për një kohë të gjatë për të drejtat e grave dhe u emërua si Ministrja e parë e Barazisë Gjinore në vend në vitin 2017. Në këtë rol, ajo udhëhoqi me sukses një ligj të ri për ngacmimin seksual, i cili lejon gjobat për burrat që thërrasin, ngacmojnë ose ndjekin gratë në rrugë.
Por paraqitja e saj ka sjellë kritika nga kolegët politikë, përfshirë kryeministren franceze Elisabeth Borne.
Borne i tha asaj se “nuk ishte e përshtatshme, veçanërisht gjatë kësaj periudhe”.
Franca është aktualisht në grahmat e një krize politike dhe sociale të shkaktuar nga masa e presidentit francez Emmanuel Macron për të çuar përpara reformat e diskutueshme të pensioneve, pavarësisht kundërshtimit të gjerë publik.
Politikani francez, Jean Luc Mélenchon, i cili doli i treti në zgjedhjet presidenciale të 2022, kritikoi daljen e Schiappa-s dhe vendimin e presidentit francez Emmanuel Macron për të dhënë një intervistë për revistën për fëmijë, Pif Gadget, këtë javë.
Ndërsa Ministri i Brendshëm francez, Gérald Darmanin doli në mbrojtje të Schiappa-s gjatë një interviste me kanalin francez të lajmeve CNews të dielën duke e quajtur atë një “grua me karakter”.
“Doja të them se Marlene Schiappa është një politikane e guximshme femër që ka karakterin dhe stilin e saj që nuk është i imi, por unë e respektoj”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje