.png)
Një diplomat rus është gjetur i vdekur në oborrin e ambasadës ruse në Berlin të Gjermanisë. Ngjarja daton që në 19 tetor, por lajmi është publikuar këtë të premte nga gazeta gjermane “Der Spiegel”.
Viktima, 35-vjeç, punonte si sekretar i ambasadorit rus, por në fakt, sipas shërbimeve sekrete vendase, ai ishte një agjent i inteligjencës ruse.
Dyshohet se i riu ka ndërruar jetë, duke rënë nga një kat i lartë i ambasadës. Edhe versioni zyrtar rus, flet për një “incident tragjik”.
Mediat gjermane raportojnë se punonjësi ka rënë nga një dritare nga katet e sipërme të ndërtesës për “arsye të panjohura”. Ambasada nuk i ka lejuar autoritetet gjermane për të bërë një autopsi, ndërsa trupi i pajetë është transferuar prej disa ditësh në Rusi.
35-vjeçari ishte akredituar në postin diplomatik si sekretar i dytë i ambasadorit që në verën e vitit 2019, por për inteligjencën gjermane, ai ishte një “spiun” i fshehtë i Shërbimit Federal të Sigurisë Ruse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje