.png)
Momente terrori për futbollistin spanjoll të Milanit, Samu Kastilejo. Me një postim në Instagram ai ka treguar se si e kanë vjedhur në Milano, duke i vënë pistoletën në kokë. “Po në Milano, – shkruan Kastilejo, – është gjithçka në rregull? Më kanë vjedhur dy djem, duke më vënë pistoletën në fytyrë”.
Pas ngjarjes, spanjolli ka bërë denoncimin në polici. Ai ishte në makinën e tij, kur dy të rinjtë i janë afruar me një motor dhe e kanë kërcënuar me pistoletë për t’i marrë orën e çmuar. Më pas ata janë zhdukur nga qendra e Milanos. Lojtari i Milanit është sulmuar në zonën mes Porta Nuova dhe Gae Aulenti.
Nuk ka pasur asnjë pasojë fizike për Kastilejon, por sigurisht që ai ka mbetur i tronditur nga ajo që i ka ndodhur. Gjatë mbrëmjes ai ka bërë edhe një postim tjetër në profilin e tij në Instagram për të qetësuar ndjekësit e tij, duke shkruar: “Gjithçka në rregull, jam mirë”. Futbollistët në Itali dhe jo vetëm janë bien shpesh pre e hajdutëve, të cilët e dinë mirë se ata mbajnë sende me vlerë dhe gjithmonë janë në “gjueti” të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje