.png)
Këtë verë Italia është shndërruar në një makth sportiv për anglezët. Pas finales së Europianit, britanikët po përjetojnë të tjera zhgënjime të mëdha edhe në Lojërat Olimpike dhe përsëri protagonistë janë italianët. Rasti i fundit është stefeta 4×100 e meshkujve, ku Italia i “vodhi” medaljen e Artë Anglisë.
Një psikodramë e vërtetë sportive për britanikët, siç kuptohet qartë edhe nga qëndrimi i medieve. Tabloidi “Daily Mail”, finalen e 4×100 e përcjell me titullin: “Not Italy again!” (Jo Italia përsëri).
“The Guardian” fokusohet më shumë te gara, duke e krahasuar mbërritjen në finish të italianëve 1/100 para anglezëve me vendimet e VAR-it në futboll, që vonojnë 5 minuta ndeshjet e Premier Ligës League”. Gjithsesi, u jepen merita italianëve për finalen e bukur dhe medaljen e artë. “Mbërritja me fotofinish, dëshpërimi i skuadrës angleze dhe festa e Tortu”. Kështu e përmbledh “Sun” garën, ku anglezëve u rrëshqiti nga duart medalja e artë vetëm për 0.01 sekonda.
Rrjetet sociale, që nuk falin në të tilla raste, kanë bërë punën e vet menjëherë, duke e shtuar edhe me tepër dhimbjen e anglezëve. Është bërë viral një fotomontazh, ku shfaqet Xhorxhio Kielini, kapiteni i Italisë, që frenon atletin e fundit në garë të britanikëve (si në rastin e Saka në finalen e “Wembley”-t), ndërsa finishin e kalon i pari Tortu. Ky i fundit, pasi ka shkuar “It’s coming Rome”, e ka falënderuar Kielinin ironikisht, duke thumbuar sërish anglezët.
Po ashtu, viral është bërë edhe një komentator anglez, i cili në fundin e stafetës 4×100 gati shpalli Anglinë fituese. “Medalja e artë është për ne, oh jo, për Italinë”, – ishte komenti i tij, që më pas pushtoi rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje