.png)
Procesi i votimit elektronik në Elbasan ka qenë i vështirë për të moshuarit, të cilët janë ndihmuar nga familjarët.
Elbasani për herë të parë voton në mënyrë elektronike. Janë 224 qendra votimi në qytet e fshat ku sot votohet për kryetarin e ri të bashkisë. Qendrat e votimit janë hapur në orën 7 dhe qytetarët e parë kanë votuar. Ata ndajnë mendime të ndryshme për thjeshtësinë apo vështirësinë e procesit.
“Ishte pak i vështirë, shtyp këtu shtyp aty”, tha një e moshuar.
l“E vështirë nuk dija nga ta shtypja, e gjeta më në fund, nuk është për moshën tonë ajo dihet”, tha një tjetër.
Gjithashtu vonesa ka pasur në disa qendra votimi ku një qytetar tha se ka qëndruar një orë në pritje.
“Unë kam një orë që po pres dhe tani po më detyrojnë që të iki fare të mos votoj. Nuk punon aparati thonë, si t’ia bëj, po iki fare me këta nuk merret vesh, këta duan ta marrin në tavolinë siç i marrin gjithmonë”, u shpreh qytetari.
Në disa qendra votimi qytet dhe fshat ka probleme me aksesin në internet të pajisjes së identifikimit të shtetasve.
Gjithashtu në shumë QV vijon të ketë probleme me pajisjen elektronike të identifikimit të zgjedhësve. Kandidati i PS Gledian Llatja i pyetur pas votimit për këto problematika u shpreh se janë çështje teknike dhe i takon administratës zgjedhore të merret me to.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje