.png)
Gazeta Si – “Një stuhi e madhe globale po nis”! Kështu i përshkruan zëdhënësi i Kremlinit, Dmitry Peskov muajt e vjeshtës që do të vijnë. Dhe shkaku, sipas Moskës, janë “veprimet e Perëndimit”.
Kërcënimi, i raportuar nga agjencia ruse Tass, nuk përmend – si gjithmonë – origjinën e sanksioneve perëndimore kundër Rusisë: përkatësisht pushtimin e Ukrainës nga trupat e Moskës.
Një pushtim i cili, sipas Moskës, është një “operacion ushtarak special”, dhe jo një luftë, dhe objektivat e të cilit, përsëriti Peskov – “do të arrihen”.
Rusia, shton Peskov, “do të jetë në gjendje të ruajë makrostabilitetin në mes të kësaj stuhie”.
Dmitry Peskov foli për çështjen e refuzimit të vizave të BE-së për rusët dhe kujtoi se një politikë reciprociteti do të jetë e pashmangshme.
“Reagimi mund të jetë simetrik ose jo, por sigurisht që do të marrim masa që do të jenë në interesin tonë”.
Në fund, zëdhënësi i Kremlinit përsëriti se mungesa e mirëmbajtjes së gazsjellësit Nord Stream 1 nuk është nga Gazprom, por nga politikanët evropianë që kanë vendosur të vendosin sanksione ndaj Rusisë.
Më herët, presidenti ukrainas Zelenskij foli sot në telefon me Presidenten e Komisionit Evropian, Ursula von der Leyen, dhe i kërkoi asaj të përgatiste një paketë të re sanksionesh kundër Rusisë – e cila do të ishte e teta, nga BE.
Sipas Zelenskijt, është e nevojshme që BE të zbatojë një ndalim të vizave për qytetarët rusë – një masë për të cilën aktualisht nuk ka marrëveshje midis vendeve të ndryshme të BE-së.
Zelenskij tha gjithashtu se ai kishte koordinuar me von der Leyen “hapat për të kufizuar fitimet” në Rusi nga shitja e naftës dhe gazit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje