.png)
Gazeta Si – Lufta në Ukrainë regjistron ditën e 350-të të saj. Presidenti ukrainas, Zelensky, ka vizituar sot Londrën, ku është pritur nga kryeministri britanik, Rishi Sunak. Më pas ai do të shkojë në Paris, ku do të takohet me Olaf Scholz dhe Emmanuel Macron.
Të enjten Zelensky do të jetë në Bruksel, në seancën plenare të Parlamentit Europian. Britania është gati t’i ofrojë Kievit edhe raketa.
Moska ndërkohë ka mbajtur qëndrim, duke pohuar se Shtetet e Bashkuara të Amerikës kanë lejuar fillimin e “një lufte hibride totale me Rusinë, që mbart në vetvete rrezikun real të një përplasjeje ushtarake direkt mes dy fuqive nuklerae”.
Ky është qëndrimi i ministrit të Jashtëm rus, Lavrov, duke hedhur poshtë akuzat e SHBA-ve për mosrespektim të “New Start”, i vetmi traktat bilateral në lidhje me reduktimin e armëve nukleare ende në fuqi.
Sipas sekretarit të përgjithshëm të Organizatës së Kombeve të Bashkuara, Antonio Guterres, “perspektiva për paqe ka shanse më të pakta dhe bota po rrezikon të shkojë në një luftë më të gjerë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje