.png)
Zhoze Mourinjo nuk mund të rrijë asnjë moment pa futboll, edhe kur kampionati i Premier League është pushim. Trajneri portugez i Totenhemit këtë fundjavë kishte udhëtuar drejt Gjermanisë për të ndjekur një ndeshje të Bundesligës, jo një ndeshje dosido, por sfidën mes Bajernit të Mynihut dhe Lajpcigut.
Arsyeja është e thjeshtë: Mourinjo kishte shkuar për të “spiunuar” kundërshtarin e radhës të Totenhemit në Champions League. Ai kishte shkuar i maskuar në stadium, por në fakt nuk ka mundur t’i shpëtojë fokusit të telekamerave. Sipas “The Sun”, trajneri i Totenhemit është parë në tribunë me një kapele të errët dhe me shall, pasi nuk donte të binte në sy të të tjerëve, veçanërisht të medies.
Por nuk ia ka arritur qëllimit, sepse telekamerat e televizionit zyrtar të kampionatit gjerman e kanë kapur praninë ‘speciale’ të portugezit dhe e kanë fokusuar një moment. Totenhemi ndeshet me Lajpcigun në fazën e 1/8-ave në Champions League dhe trajneri i anglezëve ka dashur ta shohë vetë ekipin gjerman nga afër në një ndeshje kampionati. Me siguri ka mbajtur shënime për lojën e Lajcigut, që mori një barazim të rëndësishëm në fushën e Bajernit, duke qëndruar 1 pikë pas bavarezëve në klasifikim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje