.png)
Karakteri i tij e bën gjithmonë që të kritikojë hapur për atë që nuk i pëleqn. Zhoze Mourinjo, trajneri i Totenhemit, nuk mund të qëndrojë larg reflektorëve me deklaratat e tij dhe me akuzat në lidhje me disa aspekte, që sipas tij, janë defekte.
Kritika e fundit e portugezit i takon rregullores së Ligës së Kampionëve, që lejon skuadrat e renditura në vend të tretë në fazën e grupeve që ta kalojë në kompeticionin e Ligës së Europës. Mourinjo ka folur pa diplomaci në lidhje me këtë çështje gjatë konferencës për shtyp para ndeshjes së Totenhemit.
“Skuadrat që vijnë nga Liga e Kampionëvë janë gjithmonë të forta dhe normalisht nuk i përkasin këtij niveli. Mançester Junajtid është një nga skuadrat më të mira dhe grupi i tij ishte shumë i fortë. E dinim që nuk do të ishte e lehtë për asnjë nga skuadrat e atij grupi dhe e dinim që një skuadër e një niveli të lartë do të përfundonte në Ligën e Europës nga ai grup. Sigurisht, ajo është favorite për të fituar trofeun.
Kualiteti i kompeticionit, me 8 skuadra të reja që vijnë nga Liga e Kampionëve, rritet ndjeshëm. Nga pikëpamja sportive mendoj se nuk është e drejtë që një skuadër që nuk ia del në një kompeticion, të kalojë në një tjetër dhe të vazhdojë rrugëtimin e saj në atë kompeticion”, – ka thënë trajneri Mourinjo, duke hapur një debat të ri në lidhje me formulën e Ligës së Kampionëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje