.png)
Maqedonia e Veriut ka vendosur pezullimin e të gjitha fluturimeve nga Britania e Madhe, pas shfaqjes së mutacionit të ri të koronavirusit.
Paraprakisht, Komisioni i Sëmundjeve Infektive ka dalë me rekomandimin për izolimin për 14 ditë të të gjithë personave që hyjnë në Maqedoninë e Veriut nga Britania e Madhe.
“Pas informacionit të fundit në lidhje me shfaqjen e variantit të ri të koronavirusit në Britaninë e Madhe, Shtabi i Krizës miratoi vendimin për t’i ndaluar të gjitha fluturimet nga Britania e Madhe drejt Maqedonisë së Veriut. Përveç kësaj, çdo person që arrin nga ky shtet, do t’i nënshtrohet një izolimi të detyrueshëm 14-ditor”, ka bërë të ditur kryeministri Zoran Zaev.
Ministria e Shëndetësisë e Maqedonisë së Veriut ka njoftuar se vendimi është miratuar si masë paraprake për parandalimin e përhapjes së variantit të ri të koronavirusit në Maqedoninë e Veriut.
Maqedonia e Veriut është shteti i parë në rajonin e Ballkanit Perëndimor që ndërmerr një masë të tillë.
Deri më tani, Franca, Gjermania, Holanda, Belgjika, Austria, Suedia, Italia dhe Bullgaria kanë njoftuar për kufizime në udhëtimet me Mbretërinë e Bashkuar
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje