.png)
Rrëmbimi i avionit me urdhër të Lukashenko-s dhe më pas arrestimi i gazetarit dhe të fejuarës së tij ka shkaktuar reagime të shumta në të gjithë botën. Shumë vende kanë bërë thirrje për lirimin e gazetarit të opozitës, Roman Protasevic.
NATO gjithashtu ka bërë thirrje për lirimin e menjëhershëm të gazetarit Roman Protasevic dhe partneres së tij Sofia Sapega.
“Ky akt shkel rregullat e aviacionit civil dhe rrezikon jetën e pasagjerëve dhe ekuipazhit. Ne mbështesim një hetim të pavarur, përfshirë Organizatën Ndërkombëtare të Aviacionit Civil (ICAO) dhe gjithashtu mbështesim masat e marra nga Aleatët në përgjigje të kësaj incidenti “.
Traktati i Atlantikut të Veriut i bën thirrje Bjellorusisë të respektojë të drejtat dhe liritë themelore të njeriut”.
Më herët ish-kolegët e gazetarit të arrestuar në Bjellorusi Roman Protasevich kanë thënë se shqetësohen për jetën e tij.
“Roman është më në rrezik sesa secili i burgosur tjetër politik në Bjellorusi”, ka thënë Stephan Putsila për BBC-në.
Protasevich ka thënë se frikësohet për dënim me vdekje pasi është futur në listën për terrorizëm.
Ai përballet me akuza të lidhura për raportimin e tij rreth zgjedhjeve të diskutueshme në Bjellorusi në gusht të vitit të kaluar, dhe për shtypjen e protestave masive opozitare atje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje