.png)
Opozitari rus, Aleksei Navalni, ka humbur tetë kilogramë nga pesha e tij që kur ka mbërritur në burg, aty ku ndodhet prej më shumë se një muaji.
Në një postim në kanalin Telegram, aleatët e tij, thanë se Navalni ka peshuar 93 kg kur ka arritur në burg, muajin e kaluar dhe se tani është 85 kg.
Ekipi i tij, tha se 45-vjeçari, privohet nga gjumi dhe se rojet e zgjojnë tetë herë gjatë natës.
Navalni ka hyrë në grevë urie më 31 mars, duke thënë se zyrtarët e burgut nuk i ofrojnë kujdes mjekësor dhe nuk e lënë të flejë.
Ai është ankuar për dhimbje akute në shpinë dhe mpirje në këmbë.
Aktualisht ndodhet në Koloninë Penale Nr. 2 në Pokrov, që njihet si një prej burgjeve më të ashpra në Rusi.
Kritiku i Putinit, është arrestuar në një aeroport të Moskës në muajin janar, menjëherë pasi është kthyer nga Berlini, ku është shëruar nga helmimi me agjent nervor.
Disidenti pretendon se është helmuar në muajin gusht, në një fluturim drejt Siberisë, ndërsa laboratorët perëndimorë kanë treguar se agjenti i përdorur në sulm ka qenë Noviçok.
Ai ka thënë se atentati kundër tij është urdhëruar nga presidenti rus, Vladimir Putin, por këto pretendime janë hedhur poshtë nga Kremlini.
Një gjykatë në Rusi e ka dënuar atë me dy vjet e gjysmë burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje