.png)
Ka ndërruar jetë edhe vajza 15-vjeçare e familjes Gjoka, në Velipojë pas shpërthimit të gazit në hotel.Klarisa Gjoka pësoi djegie të shumta në trup, bashkë me nënën, vëllanë e mitur dhe dy motrat, njëra prej të cilave humbi jetën pak ditë më parë.
15-vjeçarja ishte dërguar për trajtim mjekësor më të specializuar në Itali, së bashku me tre familjarët e tjerë, por nuk ka mundur dot t’iu mbijetojë plagëve të rënda.
Ajo ka ndërruar jetë pak ditë pas vdekjes së motrës së saj, 19-vjeçares Daniela Gjoka, po në Itali. Ndërkohë që vijojnë të jenë në gjendje të rëndë shëndetësore edhe nëna me djalin e mitur.Katër anëtarët e familjes Gjoka, nga Gajushi i Lezhës, kishin shkuar për të pastruar hotelin e tyre në Velipojë, për ta bërë gati për pushuesit, por ngjarja ndodhi kur e ëma e vajzave ishte ngritur të bëjë kafenë e sapo kishte ndezur bombolën e gazit, shpërtheu flaka, për shkak të rrjedhjes së gazit të shtatë bombolave, duke shkrumbuar hotelin dhe duke i plagosur ato rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje