.png)
Është ndarë nga jeta në moshën 76-vjeçare ish-presidenti i Real Madridit, Lorenzo Sanz. Ish-drejtuesi i lartë i madrilenëve ishte i shtruar në spital prej datës 17 mars dhe nuk ia ka dalë ta fitojë betejën me Koronavirusin.
Real Madrid i jep lamtumirën një prej figurave të tij historike. Lorenzo Sanz ka qenë president i klubit të madh spanjoll në periudhën 1995-2000. Ai ishte infektuar nga Koronavirusi gjatë kësaj jave dhe nuk ka mundur të mbijetojë.
Lajmin e ka dhënë “Cadena Cope”, që shpjegon se ish-presidenti i Realit ishte shtruar në spital që prej datës 17 mars, pasi gjendja e tij shëndetësore ishte përkeqësuar pas 8 ditësh me temperaturë të lartë. Si president i Realit, Sanz arriti të fitonte dy Champions League brenda dy vjetësh, duke mundur në finale Juventusin dhe Valencian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje