.png)
Gazeta Si – Një 52-vjeçar, i arrestuar për prodhim dhe shitje narkotikësh ka ndërruar jetë në orët e para të mëngjesit në Spitalin Rajonal të Fierit për shkaqe ende të paqarta.
Drejtoria e Përgjithshme e Burgjeve bën me dije se Simon Toska është pranuar në burgun e Fierit dhe në momentin e parë është konsultuar me mjekët e institucionit, ku nuk ka deklaruar probleme shëndetësore.
Më 3 maj, Toska është ankuar te personeli për lodhje dhe pas kontrolleve që rezultuan normale iu vendos një perfuzion, ku më pas referoi se ndjehej mirë.
Sipas Drejtorisë së Burgjeve në orët e para të mëngjesit të 4 majit, Toska shfaqi probleme me frymëmarrjen. 10 minuta më vonë ai u dërgua me urgjencë në Spitalin e Fierit, ku është asistuar me masazh kardiak.
“Në urgjencën e Spitalit Rajonal Fier, i është dhënë ndihma mjekësore (goditja me kardio-version), në EKG konstatohet asistoli. Me gjithë ndihmën mjekësore që i është dhënë këtij shtetasi, mjekët e Spitalit Fier konkluduan se, shtetasi Simon Toska ka bërë exitus letalis (vdekje)”, thuhet në njoftimin e drejtorisë së burgjeve.
Paraprakisht, dyshohet se i burgosuri ka ndërruar jetë si pasojë e një infarkti. Megjithatë autoritetet kanë nisur hetimet për zbardhjen e shkaqeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje