.png)
Presidenti i UEFA-s, Aleksandër Ceferin, në një intervistë të fundit për “Movistar”, ka pohuar se Europiani 2021 nuk është në rrezik, por me shumë mundësi do të kenë ndryshime në formulën e zhvillimit të tij.
“Jemi të sigurt se Europiani do të zhvillohet vitin e ardhshëm, por ndryshimi është se ndoshta ndeshjet do të luhen të një vend të vetëm”, – ka thënë drejtuesi kryesor i institucionit që drejton futbollin europian. Do të ishte një ndryshim i madh, pasi ky kompeticion është parashikuar në disa qytete të mëdha të vendeve të ndryshme në Europë.
Ceferin ka prekur edhe disa çështja të tjera të futbollit europian. Sa i takon një “Final Four”-i të mundshëm në Ligën e Kampionëve, slloveni është shprehur: “Është një opsion, por pas vitit 2024. Formati i sezonit të fundit u kushtëzua nga Koronavirusi, por ishte interesant. Një fazë finale me tetë skuadra është e komplikuar nga kalendari, kurse një ‘Final Four’, me një javë futboll, do të ishte një event i madh që mund të zhvillohej në qytete të mëdha”.
Në fund dy fjalë edhe për VAR-in: “Mendoj se teknologjia e ndihmon futbollin, por në anën tjetër edhe mund ta dëmtojë atë. Nuk mund të kthehemi pas, por janë shumë gjëra që duhen përmirësuar”, përfundoi Ceferin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje