.png)
Fundi i këtij muaji ka rikthyer radhët kilometrike në doganën e Kapshticës, ku me qindra emigrantë janë në pritje për të kaluar drejt Greqisë.
Mësohet se pala greke po punon me kapacitete të reduktuara, ndërsa temperaturat e larta e kanë bërë edhe më të vështirë pritjen.
Radha e mjeteve të vogla dhe autobusëve është krijuar në tokën neutrale dhe territorin e doganës greke.
Ndërkohë, fluksi i lartë i hyrje-daljeve po menaxhohet pa vonesa nga pala shqiptare, e cila punon me 3 sportele në dalje dhe 2 sportele për përpunimin e dokumentacionit të udhëtarëve dhe mjeteve që hyjnë në Shqipëri.
Kjo nuk është hera e parë që autoritetet greke punojnë vetëm me një sportel në hyrje, duke shkaktuar kaos dhe detyruar qytetarët të presin disa orë për të kryer procedurat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje